مدرسه یاخینیندا طایفا داعواسی چیخدی

مدرسه یاخینیندا طایفا داعواسی چیخدی

دونن(هفته ایکیسی گونو 1395/7/25 تاریخیندا) سهلاندا طایفا داعواسی چیخیب، نتیجه ده 8 نفر آغیر یارالانیبلار.

دئییلنلره گؤره، داعوادان قاباق سهلانین خرمنگاه محله سینده یئرلشن "الهادی" مدرسه سینده، سحر چاغی "انجمن" (انجمن اولیا و مربیان) سئچگیلری گئچیریلمیشدی. سئچگیلرده ده بو آداملار اینتیخاب اولموشدولار: غیبعلی بلوکی (حسینلی)، هدایت نیکقدم (جاوادلی)، داود نساجی (حسینلی)، غیبعلی محمدیان (محمدلی) و باقر دادرس (حسینلی). بللی اولاراق، سئچگیلرین سونوجلاری بیر سیرانین شادلیغینا، بیر تعدادیندا ناراحاتلیغینا سبب اولور. چونکو، ایکی-اوچ آیدی کندده ایکی تیره لیک حؤکم سورور. بیر طرفده، حسینلی، دللکلی، محمدلی و باشقالاری بیرلشیب، قارشی طرفده ده جاوادلی، رحیملی، صفرلی و آیریلاری بیر اولوبلار. انجمن سئچگیلرینده ایسه، دؤرد نفر بیر یاندان و فقط بیر نفر باشقا یاندان سئچیلمیش اولور.

هر حالدا، مدرسه دن چیخاندا صفرلی طایفاسیندان اولان حسینله، حسینلیلردن اولان محمد سؤزلشیب یاخالاشیرلار. آردینجادا، ایکی طرفین آداملاری هارایلارا یئتیریب ووروشمالار باش وئریر. او یاخینلیقدا، 8 نفر آغیر یارالانیب تبریزین خسته خانالارینا گؤتورولورلر. تبریزه آپاریلان یارالانانلارین 4 نفری جاوادلی و 1 نفری صفرلیدی. قارشی طرفدندنده، حسینلیلردن 2 نفری یارالانیبدی. هابئله، آراچیلیق ائتمه گه چالیشان دللکلی طایفاسیندان اولان محمد دهقانپوردا آغزیندان آغیر ضربه گؤروبدور. ...

دونندن، مامورلار کندده تؤکولوبلر. آغاجلیلاری یاخالاماغا و جماعتی کوچه لردن داغیلتماغا چالیشیرلار.